ಯಲ್ಲಾಪುರ: ಲಾರಿ ಹಾಗೂ ಬೈಕ್ ನಡುವೆ ಮುಖಾಮುಖಿ ಡಿಕ್ಕಿ ಸಂಭವಿಸಿ ಸವಾರ ಸ್ಥಳದಲ್ಲೇ ಮೃತಪಟ್ಟು, ಇನ್ನೊಬ್ಬ ಸವಾರ ಗಾಯಗೊಂಡ ಘಟನೆ ಪಟ್ಟಣದ ಕೆ.ಮಿಲನ್ ಹೋಟೆಲ್ ಬಳಿ ನಡೆದಿದೆ.
ಅರಬೈಲ್ ತಾಳಿಕುಂಬ್ರಿಯ ವಾಸುದೇವ ಬಾರ್ಕೆಲ್ಯಾ ಸಿದ್ದಿ(35) ಮೃತ ವ್ಯಕ್ತಿ. ಹಿಂಬದಿಯ ಸವಾರ ಹಳಿಯಾಳದ ಫ್ರಾನ್ಸಿಸ್ ಖೈತಾನ್ ಅಡಿವೆಪ್ಪಾಚೆ ಗಾಯಗೊಂಡ ವ್ಯಕ್ತಿ.
ಇವರು ಯಲ್ಲಾಪುರದಿಂದ ಹುಬ್ಬಳ್ಳಿ ಕಡೆ ಬೈಕ್ ಮೇಲೆ ಬರುವಾಗ ಎದುರಿನಿಂದ ವಾಹನವೊಂದನ್ನು ಓವರ್ ಟೇಕ್ ಮಾಡಿಕೊಂಡು ಬಂದ ಲಾರಿ ಡಿಕ್ಕಿ ಹೊಡೆದಿದ್ದು, ವಾಸುದೇವ ಅವರ ಮೈಮೇಲೆ ಲಾರಿಯ ಚಕ್ರ ಹಾಯ್ದು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಗಾಯಗೊಂಡ ಹಿಂಬದಿಯ ಸವಾರನನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಲಾರಿ ಚಾಲಕ ಬೀದರ ಜಿಲ್ಲೆಯ ಔರಾದ್ ನ ಜ್ಞಾನೇಶ್ವರ ಸಂಜೀವರಾವ ಡೋರಗಳ್ಳಿ ವಿರುದ್ಧ ಯಲ್ಲಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
