ಇಪಿಎಫ್ಒದಿಂದ ನಡೆಸಲಾಗುವ EPF ಯೋಜನೆಗೆ ಜೋಡಿತವಾಗಿರುವ ಇಪಿಎಸ್ ಸ್ಕೀಮ್ನಲ್ಲಿ ಹೆಚ್ಚುವರಿ ಪಿಂಚಣಿಗೆ ಅರ್ಜಿ ಸಲ್ಲಿಸಲು ಇವತ್ತು (ಜುಲೈ 11) ಕೊನೆಯ ದಿನವಾಗಿದೆ. ಅಧಿಕ ಪಿಂಚಣಿಗೆ ಅರ್ಜಿ ಸಲ್ಲಿಸುವ ಪ್ರಕ್ರಿಯೆ ಸರಳವಾಗಿದ್ದು, ಕೆಲ ಅಗತ್ಯ ದಾಖಲೆಗಳನ್ನು ಮೊದಲೇ ಸಿದ್ಧಪಡಿಸಿ ಇಟ್ಟುಕೊಂಡರೆ ಸುಲಭವಾಗಿ ಅರ್ಜಿ ಸಲ್ಲಿಸಬಹುದು. ಇಪಿಎಫ್ಒನ ಯೂನಿಫೈಡ್ ಮೆಂಬರ್ ಪೋರ್ಟಲ್ನಲ್ಲಿರುವ ಪೆನ್ಷನ್ ಆನ್ ಹೈಯರ್ ಸ್ಯಾಲರಿ ಎಂಬ ಆಯ್ಕೆ ಮೂಲಕ ಅರ್ಜಿ ಸಲ್ಲಿಸಲು ಸಾಧ್ಯ. ಈ ಹಿಂದೆ ಇದ್ದ ಪ್ರಕ್ರಿಯೆ ತುಸು ಸಂಕೀರ್ಣ ಎನಿಸಿತ್ತು. ಸಂಸ್ಥೆ ಹಾಗು ಉದ್ಯೋಗಿಗಳು ಜಂಟಿ ಅರ್ಜಿ ಸಲ್ಲಿಸಬೇಕಿತ್ತು. ಕೇರಳ ಹೈಕೋರ್ಟ್ ನಿರ್ದೇಶನದ ಮೇರೆಗೆ ಇಪಿಎಫ್ಒ ಅಧಿಕ ಪಿಂಚಣಿಗೆ ಅರ್ಜಿ ಸಲ್ಲಿಸುವ ಪ್ರಕ್ರಿಯೆಯನ್ನು ಸರಳಗೊಳಿಸಿದೆ.
ನೀವು ಅಧಿಕ ಪಿಂಚಣಿಗೆ ಅರ್ಹರಾಗಿದ್ದು ಇನ್ನೂ ಅರ್ಜಿ ಸಲ್ಲಿಸಿಲ್ಲದಿದ್ದರೆ, ಈ ಕೆಳ ಕಾಣಿಸಿದ ದಾಖಲೆಗಳನ್ನು ಅಥವಾ ಮಾಹಿತಿಯನ್ನು ಸಿದ್ಧಪಡಿಸಿಕೊಳ್ಳಿ:
- ಯುಎಎನ್ ನಂಬರ್
- ಆಧಾರ್ ಕಾರ್ಡ್
- ಆಧಾರ್ಗೆ ಜೋಡಿತವಾದ ಮೊಬೈಲ್ ನಂಬರ್
- ನೀವು ಕೆಲಸ ಮಾಡಿದ ಎಲ್ಲಾ ಸಂಸ್ಥೆಗಳಲ್ಲಿನ ಇಪಿಎಸ್ ನಂಬರ್ಗಳು, ಆ ಸಂಸ್ಥೆಗಳ ಇಪಿಎಸ್ ಶುರುವಾದ ಹಾಗೂ ಮುಕ್ತಾಯವಾದ ದಿನಾಂಕಗಳ ಮಾಹಿತಿ
- ಪಿಎಫ್ ಪಾಸ್ಬುಕ್ನ ಒಂದು ಪ್ರತಿ
- 1952ರ ಇಪಿಎಫ್ ಸ್ಕೀಮ್ನ ಪ್ಯಾರಾ 26(6) ಅಡಿಯಲ್ಲಿ ಸಂಸ್ಥೆಯ ಮುಚ್ಚಳಿಕೆ ಹಾಗೂ ಸಂಸ್ಥೆ ಮತ್ತು ಉದ್ಯೋಗಿಯಿಂದ ಜಂಟಿ ಮನವಿಯ ದಾಖಲೆ
ಇಲ್ಲಿ ಕೊನೆಯ ಅಂಶದ ವಿಚಾರದಲ್ಲಿ ಹಿಂದೆ ತುಸು ಸಂಕೀರ್ಣ ನಿಯಮವಿತ್ತು. ಈಗ ಅದನ್ನು ಸರಳಗೊಳಿಸಲಾಗಿದೆ. ಪರ್ಮಿಷನ್ ಪ್ರೂಫ್ ಕೊಡುವ ಅವಶ್ಯಕತೆ ಈಗ ಇಲ್ಲ. ಹಿಂದೆ ಅಧಿಕ ವೇತನಕ್ಕೆ ಪಿಎಫ್ ಕೊಡುಗೆ ಇರುವುದಕ್ಕೆ ಪಿಎಫ್ ಪಾಸ್ಬುಕ್ ಕೂಡ ಸರಿಯಾದ ದಾಖಲೆಯಾಗುತ್ತದೆ.
ನೀವು ಅರ್ಜಿ ಸಲ್ಲಿಸುವುದಾದರೆ ಯೂನಿಫೈಡ್ ಮೆಂಬರ್ ಪೋರ್ಟಲ್ಗೆ ಭೇಟಿ ನೀಡಿ: unifiedportal-mem.epfindia.gov.in/memberinterface/
ಇಲ್ಲಿ ಯುಎಎನ್ ನಂಬರ್ ಬಳಸಿ ಲಾಗಿನ್ ಆದ ಬಳಿಕ ಪೆನ್ಷನ್ ಆನ್ ಹೈಯರ್ ಸ್ಯಾಲರಿ ಆಯ್ಕೆ ಮೇಲೆ ಕ್ಲಿಕ್ ಮಾಡಿ. ಅಲ್ಲಿಯೇ ಅರ್ಜಿ ಭರ್ತಿ ಮಾಡಿ ಸಲ್ಲಿಸುವ ಅವಕಾಶ ಇರುತ್ತದೆ.
Related posts:
1975ರಲ್ಲಿ ಈ ನೋಟ್ ಬರೆದ ಮಹಿಳೆಯನ್ನು ಪತ್ತೆ ಹಚ್ಚಿದ ವ್ಯಕ್ತಿ
ಕಿರಾತಕ ಮದುವೆಯಾಗಿದ್ದರೂ ಮತ್ತೊಬ್ಬ ಯುವತಿಯನ್ನು ಪ್ರೀತಿಗಾಗಿ ಪೀಡಿಸ್ತಿದ್ದ, ಕಾಟ ತಾಳದೆ ಹುಡುಗಿ ಆತ್ಮಹತ್ಯೆ ಮಾಡಿಕೊಂಡಳು
ಫಿಲಡೆಲ್ಫಿಯಾದಲ್ಲಿ ನಡೆದ ಸಾಮೂಹಿಕ ಗುಂಡಿನ ದಾಳಿಗೆ ಮಕ್ಕಳು ಸೇರಿ ನಾಲ್ವರು ಬಲಿ
ಸರ್ಕಾರದಿಂದ ವ್ಯಾಟ್ಸ್ಆ್ಯಪ್ ಮೆಸೇಜ್, ವಿಡಿಯೋ ಆಡಿಯೋ ಕಾಲ್ ರೆಕಾರ್ಡ್ ಸುದ್ದಿ ಸುಳ್ಳು!