ಅನೇಕರಿಗೆ ಸಾಕುಪ್ರಾಣಿಗಳೆಂದರೆ ಮನುಷ್ಯರಿಗಿಂತ ಹೆಚ್ಚು. ಒಂದರ್ಥದಲ್ಲಿ ಕುಟುಂಬ ಸದಸ್ಯರಂತೆಯೇ. ತಾವು ಎಲ್ಲಿಯೇ ಹೋದರೂ ಅವುಗಳನ್ನು ಕರೆದುಕೊಂಡು ಹೋಗುತ್ತಾರೆ. ಅವುಗಳ ಆರೋಗ್ಯ ಮತ್ತು ಯೋಗಕ್ಷೇಮವನ್ನು ಚಾಚೂತಪ್ಪದೆ ಪಾಲಿಸುತ್ತಾರೆ. ಅರೆಗಳಿಗೆಯೂ ಅವುಗಳನ್ನು ಬಿಟ್ಟಿರಲಾರರು. ಹೀಗಿರುವಾಗ ಸಾಕಿದ ಪ್ರಾಣಿಯೊಂದು ಕಳೆದು ಹೋದರೆ ಹೇಗಾಗಬೇಡ? ಈ ದಂಪತಿಗೆ ಕಳೆದುಹೋದ ತಮ್ಮ ನಾಯಿ ಮತ್ತೆ ಸಿಕ್ಕಿದೆ. ಭಾವೋದ್ವೇಗದಿಂದ ಅದನ್ನು ಅಪ್ಪಿ ಮುದ್ದಾಡಿದ್ದಾರೆ.
ಮರಭೂಮಿಯಲ್ಲಿ ಪ್ರಯಾಣಿಸುತ್ತಿದ್ಧಾದ ಈ ನಾಯಿ ಇವರಿಂದ ತಪ್ಪಿಸಿಕೊಂಡಿದೆ. ಎಲ್ಲೆಡೆ ಹುಡುಕಿದರೂ ಪತ್ತೆಯಾಗಿಲ್ಲ. ನಾಲ್ಕು ದಿನಗಳ ಕಾಲ ದುಃಖದಲ್ಲಿಯೇ ಈ ದಂಪತಿ ದಿನ ಕಳೆದಿದ್ದಾರೆ. ಅಂತೂ ನಾಯಿಗೆ ಅವರು, ಅವರಿಗೆ ನಾಯಿ ಸಿಕ್ಕ ಸಂತೋಷ ಮತ್ತು ಸಮಾಧಾನದ ಗಳಿಗೆಗಳು ಸೃಷ್ಟಿಯಾಗಿವೆ.