ನಾಗರಹಾವು ಹಾಗೂ ಅದರ ಮರಿಗಳು ಇಲ್ಲೆಂದರಲ್ಲಿ ಅವಿತುಕೊಂಡು ಜನರನ್ನು ಭಯಹುಟ್ಟಿಸುವ ಘಟನೆಗಳು ಸಾಮಾನ್ಯವಾಗಿವೆ. ಬಟ್ಟೆ, ಹೆಲ್ಮೆಡ್, ವಾಹನ, ಶೋ ಹೀಗೆ ಹಲವು ವಸ್ತುಗಳಲ್ಲಿ ಹಾವುಗಳು ಪತ್ತೆಯಾಗುತ್ತಿರುತ್ತವೆ. ಆದ್ರೆ ಇಲ್ಲಿ ಆಹಾರ ಸಂಗ್ರಹಿಸುವ ಫ್ರಿಡ್ಜ್ನಲ್ಲಿ ಮರಿ ಹಾವು ಪತ್ತೆಯಾಗಿದೆ.
ಮನೆಯ ಫ್ರಿಡ್ಜ್ನಲ್ಲಿ ನಾಗರಹಾವಿನ ಮರಿ ಪತ್ತೆಯಾಗಿದೆ. ಮೈಸೂರಿನ ರಾಜ್‌ಕುಮಾರ್ ರಸ್ತೆಯ ಮನೆಯೊಂದರ ಫ್ರಿಡ್ಜ್ ಒಳಗೆ ಮರಿ ಹಾವು ಸಿಕ್ಕಿದ್ದು ಕುಟುಂಬಸ್ಥರು ಶಾಕ್ ಆಗಿದ್ದಾರೆ.
ಕಿರಣ್ ಎಂಬುವವರ ಮನೆಯ ಫ್ರಿಡ್ಜ್‌ನಲ್ಲಿದ್ದ ನಾಗರಹಾವಿನ ಮರಿಯನ್ನು ಸ್ನೇಕ್ ಶಿವು ರಕ್ಷಣೆ ಮಾಡಿ ಸುರಕ್ಷಿತ ಸ್ಥಳದಲ್ಲಿ ಬಿಟ್ಟಿದ್ದಾರೆ.
ಮೈಸೂರಿನ ಕಿರಣ್ ಅವರ ಮನೆಯಲ್ಲಿನ ಫ್ರಿಡ್ಜ್ನಲ್ಲಿ ನಾಗರಹಾವಿನ ಮರಿ ಪತ್ತೆಯಾಗಿದ್ದು ತಾಯಿ ನಾಗರಹಾವು ಕೂಡ ಇಲ್ಲೇ ಇಲ್ಲೋ ಇದೆ ಎಂಬ ಆತಂಕ ಎದುರಾಗಿದೆ.
ತಿಂಗಳ ಹಿಂದೆ ಮೈಸೂರಿನ ಬೆಳಗೊಳ ಕೈಗಾರಿಕಾ ಪ್ರದೇಶದಲ್ಲಿ ಸುಬ್ರಮಣ್ಯ ಎಂಬುವವರ ಮನೆಯ ಬಳಿ ನಿಲ್ಲಿಸಲಾಗಿದ್ದ ದ್ವಿಚಕ್ರ ವಾಹನದ ಮೇಲೆ ಇಟ್ಟಿದ್ದ ಹೆಲ್ಮೆಟ್ ಒಳಗಡೆ ನಾಗರಹಾವೊಂದು ಸೇರಿಕೊಂಡಿರುವ ಘಟನೆ ನಡೆದಿತ್ತು.
ಧಾರವಾಡ ಜಿಲ್ಲೆಯ ಕುಂದಗೋಳ ತಾಲೂಕಿನ ಹಿರೇಹರಕುಣಿ ಗ್ರಾಮದ ಬಸವರಾಜ ಕಟ್ಟಮನಿ ಎಂಬುವವರ ಮನೆಯ ಹಿತ್ತಲಲ್ಲಿ ತಾಯಿ ನಾಗರಹಾವು ಹಾಗೂ 25 ಮರಿ ನಾಗರಹಾವುಗಳು ಪತ್ತೆಯಾಗಿದ್ದವು.
