ವಿಜಯಪುರ: ನಗರದಲ್ಲಿ ಮಹಾನಗರ ಪಾಲಿಕೆ ಚುನಾವಣೆ ವಿಚಾರವಾಗಿ ‘ಮೂಲ ಬಿಜೆಪಿಗರು’ Vs ‘ಚುನಾವಣೆ ಬಿಜೆಪಿಗರು’ ಎಂದು ಫೈಟ್ ಶುರುವಾಗಿದೆ. ಬಿಜೆಪಿ ಯುವ ಕಾರ್ಯಕರ್ತರು ಸಾಮಾಜಿಕ ಜಾಲತಾಣದಲ್ಲಿ ಈ ಅಭಿಯಾನವನ್ನು ಆರಂಭಿಸಿದ್ದಾರೆ.
ಸಾಮಾಜಿಕ ಜಾಲತಾಣದಲ್ಲಿ ಅಭಿಯಾನ
ಪಾಲಿಕೆ ಚುನಾವಣೆಯಲ್ಲಿ ಮೂಲ ಬಿಜೆಪಿ ಕಾರ್ಯಕರ್ತರಿಗೆ ಟಿಕೆಟ್ ನೀಡಲು ಕಾರ್ಯಕರ್ತರಿಂದ ಒತ್ತಾಯ ಕೇಳಿಬಂದಿದೆ. ಪಾಲಿಕೆ ಚುನಾವಣೆಗೆ ಸ್ಪರ್ದಿಸಲು ಈಗಾಗಲೇ ಆಕಾಂಕ್ಷಿಗಳು ಅಧಿಕವಾಗಿದ್ದಾರೆ. ಹಣಬಲ, ತೋಳ್ಬಲ ಪರಿಗಣಿಸದೇ ಕಾರ್ಯಕರ್ತರನ್ನು ಪರಿಗಣನೆ ಮಾಡುವಂತೆ ಆಗ್ರಹಿಸಿದ್ದಾರೆ.
ಮೂಲ ಬಿಜೆಪಿಗರು ವರ್ಸಸ್ ಚುನಾವಣಾ ಬಿಜೆಪಿಗರು
ಕಾರ್ಯಕರ್ತರ ಅಭಿಯಾನದಿಂದಾಗಿ ಜಿಲ್ಲಾ ಬಿಜೆಪಿ ನಾಯಕರಿಗೆ ಗೊಂದಲ ಉಂಟಾಗಿದೆ. ಕಾರ್ಯಕರ್ತರನ್ನು ಬಿಟ್ಟು ಬೇರೆಯವರಿಗೆ ಟಿಕೆಟ್ ನೀಡಿದರೆ ಮುಂದಿನ ಚುನಾವಣೆ ಹೇಗೆ ಎದುರಿಸುವುದು ಎನ್ನುವ ಚಿಂತೆ. ಇನ್ನೊಂದೆಡೆ ಕಾರ್ಯಕರ್ತರ ವಿರೋಧ ಕಟ್ಟಿಕೊಂಡರೆ ಎಂಎಲ್ ಎ ಚುನಾವಣೆ ಎದುರಿಸೋದು ಹೇಗೆ ಅನ್ನೋ ಗೊಂದಲ ಪಕ್ಷದ ನಾಯಕರಿಗೆ ಕಾಡತೊಡಗಿದೆ.
