ಟೀಂ ಇಂಡಿಯಾದ ಸ್ಟಾರ್ ಆಟಗಾರ ವಿರಾಟ್ ಕೊಹ್ಲಿ ತಮ್ಮ ಹೊಸ ಮನೆಗೆ ತೆರಳಲು ಸಿದ್ಧರಾಗಿದ್ದಾರೆ. ದಕ್ಷಿಣ ಮುಂಬೈನ ಅಲಿಬಾಗ್‌ನಲ್ಲಿ ವಿರುಷ್ಕಾ ದಂಪತಿಗಳು ಹೊಸ ಮನೆಯನ್ನು ನಿರ್ಮಿಸಿದ್ದಾರೆ ಮತ್ತು ಅದು ಈ ವಾರ ಉದ್ಘಾಟನೆಯಾಗಲಿದೆ ಎಂದು ವರದಿಯಾಗಿದೆ. ವಿರಾಟ್ ಕೊಹ್ಲಿ 2022 ರಲ್ಲಿ ಅಲಿಬಾಗ್‌ನಲ್ಲಿ 8 ಎಕರೆ ಭೂಮಿಯನ್ನು 19 ಕೋಟಿ ರೂ.ಗೆ ಖರೀದಿಸಿದ್ದರು. ಈಗ ಈ ಸ್ಥಳದಲ್ಲಿ ಭವ್ಯವಾದ ಬಂಗಲೆಯನ್ನು ನಿರ್ಮಿಸಲಾಗಿದೆ. ಆರ್ಕಿಟೆಕ್ಚರಲ್ ಡೈಜೆಸ್ಟ್ ವರದಿ ಮಾಡಿದಂತೆ, ವಿರಾಟ್ ಕೊಹ್ಲಿ ಅವರ ಹೊಸ ಮನೆಯನ್ನು ಪ್ರಸಿದ್ಧ ವಾಸ್ತುಶಿಲ್ಪಿ SAOTA ಶೈಲಿಯಲ್ಲಿ ನಿರ್ಮಿಸಲಾಗಿದೆ.
ತಾಪಮಾನ ನಿಯಂತ್ರಿತ ಪೂಲ್, ಹಾಟ್ ಟಬ್, ಕಸ್ಟಮ್ ಕಿಚನ್ ಮತ್ತು ದೊಡ್ಡ ಉದ್ಯಾನದೊಂದಿಗೆ ಬಂಗಲೆ. ಒಳಾಂಗಣವನ್ನು ವಿಶೇಷವಾಗಿ ಇಟಾಲಿಯನ್ ಮಾರ್ಬಲ್, ಟರ್ಕಿಶ್ ಸುಣ್ಣದ ಕಲ್ಲು ಮತ್ತು ಪುರಾತನ ಕಲ್ಲುಗಳನ್ನು ಬಳಸಿ ವಿನ್ಯಾಸಗೊಳಿಸಲಾಗಿದೆ. ಇದೀಗ ಪೂಜಾ ಸಮಾರಂಭಕ್ಕಾಗಿ ವಿರಾಟ್ ಕೊಹ್ಲಿಯ ಬಂಗಲೆಯ ಬಾಗಿಲುಗಳನ್ನು ಹೂವುಗಳಿಂದ ಅಲಂಕರಿಸಲ್ಪಟ್ಟ ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ. ಈ ಹಿಂದೆ ಅಲಿಬಾಗ್‌ನಲ್ಲಿ ತಮ್ಮ ಹಾಲಿಡೇ ಹೋಮ್ ಹೇಗಿರಲಿದೆ ಎಂಬುದನ್ನು ಹಂಚಿಕೊಂಡಿದ್ದ ವಿರಾಟ್ ಕೊಹ್ಲಿಯ ವಿಡಿಯೋ ವೈರಲ್ ಆಗಿದೆ.
