ಯಲ್ಲಾಪುರ: ಸ್ವಾತಂತ್ರ್ಯ ದಿನಾಚರಣೆಯ ಅಮೃತ ಮಹೋತ್ಸವ ಕಾರ್ಯಕ್ರಮದ ಅಂಗವಾಗಿ ತಾಲೂಕಿನ ಅರಬೈಲ್ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ
“ಹರ ಘರ್ ಘರ್ ತಿರಂಗಾ” ಅಭಿಯಾನಕ್ಕೆ ಚಾಲನೆ ನೀಡಲಾಯಿತು.
ಗ್ರಾಮ ಪಂಚಾಯತ ಸದಸ್ಯರಾದ ವಿಶ್ವೇಶ್ವರ ಹೆಗಡೆ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಎಲ್ಲ ಮಕ್ಕಳಿಗೆ ದಿನಾಂಕ 13 ರಿಂದ 15 ರವರೆಗೆ ಧ್ವಜಾರೋಹಣಕ್ಕೆ ಧ್ವಜ ವಿತರಿಸಿದರು.
ದೇಶ ಪ್ರೇಮ, ದೇಶ ಭಕ್ತಿ ಭಾರತೀಯರ ಸಂಪತ್ತು. ದೇಶವನ್ನು, ರಾಷ್ಟ್ರಧ್ವಜವನ್ನು ಗೌರವಿಸುವುದು ಹಾಗೂ ರಾಷ್ಟ್ರ ಲಾಂಛನವನ್ನು ಹೆಮ್ಮೆಯ ಪ್ರತೀಕವಾಗಿ ಸ್ವೀಕರಿಸಿದಷ್ಟು ಅಭಿಮಾನ ಜಾಗೃತವಾಗುತ್ತದೆ ಎಂದರು.
ಶಾಲಾ ಮುಖ್ಯಾಧ್ಯಾಪಕಿ ಸಾಹಿತಿ ಶಿವಲೀಲಾ ಹುಣಸಗಿ ರಾಷ್ಟ್ರಧ್ವಜ ಏರಿಸುವಾಗ ಅನುಸರಿಸಬೇಕಾದ ನಿಯಮಗಳನ್ನು ತಿಳಿಸಿದರು. ಶಿಕ್ಷಕ ನಾಗರಾಜ ಆಚಾರಿ ರಾಷ್ಟ್ರಧ್ವಜ ಹೇಗೆ ಏರಿಸುವುದೆಂದು ಪ್ರಾತ್ಯಕ್ಷಿಕೆ ಮೂಲಕ ತಿಳಿಸಿದರು. ಗ್ರಾ.ಪಂ ಸದಸ್ಯೆ ಆಶಾ ನಾಯರ್, ಶಿಕ್ಷಕಿ ಮಮತಾ ನಾಯಕ ಉಪಸ್ಥಿತರಿದ್ದರು.
