ನವದೆಹಲಿ: ಝೊಮ್ಯಾಟೋ ಡೆಲಿವರಿ ಸಿಬ್ಬಂದಿ ಒಬ್ಬ ತನ್ನ ಹುಟ್ಟುಹಬ್ಬವನ್ನು ಅರ್ಥಪೂರ್ಣವಾಗಿ ಆಚರಿಸಿರುವ ಘಟನೆ ನಡೆದಿದೆ.
ಯುವಕನನ್ನು ಕರಣ್ ಆಪ್ಟೆ ಎಂದು ಗುರುತಿಸಲಾಗಿದೆ. ಇತ್ತೀಚೆಗೆ ಕರಣ್ 30ನೇ ವರ್ಷಕ್ಕೆ ಪಾದಾರ್ಪಣೆ ಮಾಡಿದ್ದರು. ಈ ಹಿನ್ನೆಲೆಯಲ್ಲಿ ತನ್ನ ಹುಟ್ಟುಹಬ್ಬವನ್ನು ವಿಭಿನ್ನವಾಗಿ ಆಚರಣೆ ಮಾಡಬೇಕು ಎಂಬುದಾಗಿ ನಿರ್ಧರಿಸಿದ್ದಾರೆ.
ಮೊದಲು ತನಗೊಂದು ಹೊಸ ಬಟ್ಟೆಯನ್ನು ಖರೀದಿಸಿದ್ದಾರೆ. ನಂತರ ತಾನು ಡೆಲಿವರಿ ಮಾಡುವ ಆಹಾರದಲ್ಲಿ ಚಾಕ್ಲೇಟ್ ಇಟ್ಟು ಗ್ರಾಹಕರಿಗೆ ತಲುಪಿಸಿದ್ದರೆ. ಈ ಮೂಲಕ ಎಲ್ಲರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.
ಗ್ರಾಹಕರಿಗೆ ಕೊಡುವ ಫುಡ್ ಮೇಲೆ ಚಾಕ್ಲೇಟ್ ಇಟ್ಟು ನೀಡುತ್ತಿಒರುವ ಫೋಟೋವೊಂದನ್ನು ಆಪ್ಟೆ ತನ್ನ ಫೇಸ್‍ಬುಕ್ (Facebook) ಅಕೌಂಟ್‍ನಿಂದ ಶೇರ್ ಮಾಡಿದ್ದಾರೆ. ಈ ಫೋಟೋ ಭಾರೀ ವೈರಲ್ ಆಗಿದ್ದು, ನೆಟ್ಟಿಗರ ಮೆಚ್ಚುಗೆಗೆ ಪಾತ್ರವಾಗಿದೆ. ಆಪ್ಟೆ ತಾನು ಶೇರ್ ಮಾಡಿದ ಫೋಟೋ ಜೊತೆಗೆ ಇವತ್ತು ನನ್ನ ಹುಟ್ಟುಹಬ್ಬ. ಹೀಗಾಗಿ ನನಗೊಂದು ಹೊಸ ಬಟ್ಟೆ ಖರೀದಿಸಿದ್ದೇನೆ. ಅಲ್ಲದೆ ನಾನು ಝೊಮ್ಯಾಟೋದಲ್ಲಿ ವಿತರಿಸಿದ ಪ್ರತಿಯೊಂದು ಆರ್ಡರ್‍ನೊಂದಿಗೆ ಚಾಕ್ಲೇಟ್‍ಗಳನ್ನೂ ನೀಡಿದ್ದೇನೆ. ಈ ಮೂಲಕ ಇನ್ನ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದೇನೆ ಎಂದು ಆಪ್ಟೆ ಬರೆದುಕೊಂಡಿದ್ದಾರೆ.
ಈ ಪೋಸ್ಟ್ ನೋಡಿದ ಕೆಲವರು, ಈ ಯುವಕನ ಹುಟ್ಟುಹಬ್ಬವನ್ನು ಝೋಮ್ಯಾಟೋ ಕಂಪನಿ ಆಚರಿಸಿ ಆತನಿಗೆ ಒಂದು ಉತ್ತಮ ಉಡುಗೊರೆಯನ್ನು ನೀಡಬೇಕು ಎಂದು ಒತ್ತಾಯಿಸಿದ್ದಾರೆ. ಒಟ್ಟಿನಲ್ಲಿ ಈ ರೀತಿಯಾಗಿ ಹುಟ್ಟುಹಬ್ಬವನ್ನು ಆಚರಿಸಿಕೊಂಡ ಯುವಕನಿಗೆ ಶುಭಾಶಯಗಳು ಸುರಿಮಳೆಗೈದಿದ್ದಾರೆ. ಈ ಬೆನ್ನಲ್ಲೇ ಝೋಮ್ಯಾಟೋ ಕಂಪನಿ ಕೂಡ ಯುವಕನಿಗೆ ಕೇಕ್ ಕಳುಹಿಸಿದೆ. ಇದರ ಫೋಟೋವನ್ನು ಕೂಡ ಆಪ್ಟೆ ತನ್ನ ಫೇಸ್‍ಬುಕ್‍ನಲ್ಲಿ ಶೇರ್ ಮಾಡಿಕೊಂಡಿದ್ದು, ಥ್ಯಾಂಕ್ಯೂ ಎಂದು ಆಪ್ಟೆ ಹೇಳಿದ್ದಾರೆ.
Related posts:
ಚಲಿಸುತ್ತಿದ್ದ ರೈಲಿನಲ್ಲಿ ನಾಲ್ವರನ್ನು ಗುಂಡಿಕ್ಕಿ ಹತ್ಯೆ ಮಾಡಿದ ಆರ್‌ಪಿಎಫ್ ಕಾನ್ಸ್‌ಟೇಬಲ್‌ ವಿರುದ್ಧ ಮತೀಯ ದ್ವೇಷ ಹರಡಿದ ಆರೋಪ
ತೆಲಂಗಾಣದಲ್ಲಿ ಬೀದಿನಾಯಿಗಳಿಂದ ದಾಳಿ 3 ವರ್ಷದ ಬಾಲಕನಿಗೆ ಗಂಭೀರ ಗಾಯ
500 ರೂ. ನೋಟ್ ಬ್ಯಾನ್ ಮಾಡಲ್ಲ – 1,000 ರೂ. ನೋಟ್ ಪರಿಚಯಿಸುವ ಉದ್ದೇಶ ಇಲ್ಲ: RBI
ಬಿಜೆಪಿಯೊಂದಿಗಿನ ಮೈತ್ರಿ ಮುರಿದುಕೊಂಡ ಬಿಜೆಡಿ.! ದೋಸ್ತಿ ಬಿರುಕಿನ ಬಗ್ಗೆ ನಿತೀಶ್ ಸ್ಪಷ್ಟನೆ.!