ಇ-ಯುಗದಲ್ಲಿಯೂ ಅನೇಕರ ಮನೆಗಳಲ್ಲಿ ಹಳೆಯ ಪತ್ರಗಳನ್ನು ಕಾಪಿಟ್ಟುಕೊಂಡಿರಬಹುದು ಅಥವಾ ಪುಸ್ತಕಗಳೊಳಗೆ ಕೈಬರಹದ ಸಂದೇಶ ಅಥವಾ ಪತ್ರಗಳು ಬೆಚ್ಚಗೆ ಅವಿತಿರಬಹುದು. ಎಷ್ಟೋ ವರ್ಷಗಳ ನಂತರ ಅವು ಅಲ್ಲಿಂದ ಪುಳಕ್ಕನೇ ಜಾರಿ ಬಿದ್ದಾಗ ಉಂಟಾಗುವ ಪುಳಕ ಅಷ್ಟಿಷ್ಟಲ್ಲ. ಇದೀಗ ವೈರಲ್ ಆಗಿರುವ ಈ ಫೇಸ್ಬುಕ್ ಪೋಸ್ಟ್ ನೋಡಿ. 1980ರಲ್ಲಿ ಬರೆದ ಸಂದೇಶವೊಂದು ಸಿಕ್ಕಿದೆ. ಬಾಟಲಿಯೊಳಗೆ ಇದನ್ನು ಅಡಗಿಸಿಡಲಾದ ಈ ಸಂದೇಶ 34 ವರ್ಷದಷ್ಟು ಹಳೆಯದಾಗಿದೆ. ಇತ್ತೀಚೆಗೆ ಕೆನಡಾದ ವ್ಯಕ್ತಿಯೊಬ್ಬರಿಗೆ ಇದು ಸಿಕ್ಕಿದೆ.
ಹಳೆಯ ಕಲಾಕೃತಿಗಳು, ಪತ್ರಗಳು, ಸಾಮಾನುಗಳನ್ನು ಹುಡುಕುವುದು ಅವುಗಳ ಬಗ್ಗೆ ತಿಳಿಯುವುದು ಯಾವಾಗಲೂ ಕುತೂಹಲಕರ ವಿಷಯ. ಅಪರೂಪದ ಮಾಹಿತಿ ಏನಾದರೂ ಸಿಕ್ಕರೆ ಆಗುವ ರೋಮಾಂಚನ ಹೇಳತೀರದು. ಟ್ರೂಡಿ ಶಾಟ್ಲರ್ ಮೆಕಿನ್ನನ್ ಎನ್ನುವವರು ತಮ್ಮ ಫೇಸ್ಬುಕ್ನಲ್ಲಿ ಮೇಲಿನ ಫೋಟೋ ಮತ್ತು ನೋಟ್ ಹಂಚಿಕೊಂಡಿದ್ದಾರೆ.
”ನಾನೊಬ್ಬ
(ಸಮುದ್ರದ ದಂಡೆಯ ಮೇಲಿರುವ ಅಮೂಲ್ಯ ಮತ್ತು ಆಸಕ್ತಿಕರ ವಸ್ತುಗಳನ್ನು ಸಂಗ್ರಹಿಸುವವ). ಸಂದೇಶವುಳ್ಳ ಇಂಥ ಬಾಟಲಿಗಳ ಹುಡುಕಾಟದಲ್ಲಿ ಇರುತ್ತೇನೆ. ಈಸಲ ನನಗೆ ಈ ಬಾಟಲಿ ಸಿಕ್ಕಿದೆ. ಫೋಕ್ಸ್ ಪಾಯಿಂಟ್ ನಲ್ಲಿ 10 ಮೈಲಿಗಳಷ್ಟು ದೂರದ ನೀರಿನಲ್ಲಿ ಇದನ್ನು ಕೈಬಿಡಲಾಗಿದೆ ಎಂಬ ಸಂದೇಶ ಇದರೊಳಗಿದೆ. ಈ ನೋಟ್ ಬರೆದದ್ದು 1989ರ ಮೇ 29ರಂದು.”
”ಈ ಬಾಟಲಿ ಯಾರಿಗೆ ಸೇರಿದ್ದು ಎನ್ನುವುದನ್ನೂ ಕಂಡುಕೊಂಡಿದ್ದೇನೆ. ಇದು ಪೋರ್ಟ್ ಆಕ್ಸ್ ಚಾಯ್ಸ್ ಎನ್ಎಫ್ಎಲ್ಡಿಯ ಗಿಲ್ಬರ್ಟ್ ಹ್ಯಾಮ್ಲಿನ್ ಎನ್ನುವವರದು. ಎರಡು ವರ್ಷಗಳ ಹಿಂದೆ ಅವರು ನಿಧನರಾದರು. ಅವರ ಮಗ ಇದು ತಂದೆಯದೇ ಸಂದೇಶವೆಂದು ಖಚಿತಪಡಿಸಿದರು. ಈ ಬಾಟಲಿಯನ್ನು ನಾನು ಮನೆಗೆ ತೆಗೆದುಕೊಂಡು ಹೋಗುತ್ತಿದ್ದೇನೆ.” ಎಂದಿದ್ದಾರೆ ಟ್ರೂಡಿ ಶಾಟ್ಲರ್ ಮೆಕಿನ್ನನ್.
